Полициски службеници го привеле 49-годишниот Г.И. од Виница, кај кого при претрес биле пронајдени марихуана, прашкаста материја, дигитална вага, медицински игли, шприцеви и други предмети, известува Министерството за внатрешни работи.
– На 18.05.2021 полициски службеници од ОВР Виница го лишиле од слобода Г.И.(49) од Виница, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанции и прекурсори“ и „овозможување на употреба наркотични дроги, психотропни супстанци и прекурсори“, информира МВР.
Како што соопштува Министерството, при претрес во неговиот дом во Виница, извршен со судска наредба, биле пронајдени и одземени марихуана, прашкаста материја, дигитална вага, медицински игли, шприцеви и други предмети.
Тој бил задржан во полициска станица и по целосно документирање на случајот против него ќе биде поднесена соодветна кривична пријава.