Вчера вечер во 21.50 часот на улица „Охридска“ во Скопје, полициски службеници од тим потраги при Одделението за криминалистички работи Центар и Бит Пазар го лишиле од слобода 55-годишниот С.Б. од Скопје, извести МВР.
– Тој бил осуден на 13 години казна затвор за сторено кривично дело по член 123 од Кривичниот законик, а бил баран по распишана централна потерница по наредба на Казнено-поправната установа Затвор Куманово за доиздржување на 30 месеци од казната, соопшти МВР.
Лицето ќе биде спроведено во казнено-поправната установа за доиздржување на казната.