Вчера вечер, во 20.40 часот на булеварот „Мајка Тереза“ во Скопје, полициски службеници од Полициската станица Центар ја лишиле од слобода 21-годишната Џ.И. од Скопје, извести МВР.
– Таа се сомничи дека истиот ден, заедно со уште едно лице, со употреба на погоден предмет влегле во куќа во населбата Маџир Маало и одзеле разни предмети, меѓу кои и гасен пиштол и куршуми, соопшти МВР.
Со неа бил извршен службен разговор, при што го признала делото. Кај неа биле пронајдени и одземени предметите поврзани со кривичното дело. По целосно документирање на случајот против неа ќе биде поднесена соодветна пријава.