Вчера вечер, во 21.15 часот во село Зубовце, општина Врапчиште, полициски службеници од Отсекот за недозволена трговија со дрога и оружје при ОВР Гостивар ги лишиле од слобода 40-годишниот М.С., 39-годишниот Ј.С. и 43-годишниот М.А., сите од село Калиште, општина Врапчиште, информира МВР.
– При преглед кај нив и во возилото „фолксваген голф“, со италијански национални ознаки, во кое биле тројцата, биле пронајдени и одземени 14 опаковки кокаин, соопшти МВР.
Тие биле задржани во полициска станица и по целосно расчистување и документирање на случајот против нив ќе биде поднесен соодветен поднесок.