Полицијата во три одвоени акции во Скопје, Гостивар и Тетово лишила од слобода три лица за издржување на затворски казни до шест години, информираат од МВР.
Полициски службеници од ОВР Гостивар вчера во 16:25 часот во село Аџиевци ја привеле 36-годишната З. Р., која се барала со потерница за доиздржување на казна затвор во траење од една година во КПУ Затвор Идризово Скопје, осудена по член 256 во врска чл. 141 од К.З.
Врз основа на судска наредба од Основен суд-Тетово од полициски службеници од Полициско одделени Теарце денеска во 6:00 часот бил лишен од слобода 28-годишниот Е.Б. од село Слатино за идржување на казна затвор во траење од шест години во КПУ-Затвор Идризово во врска со чл.237 ст.1 од КЗ.
Како што информираат од МВР, денеска во 01.30 часот полициски службеници од СВР Скопје по судска наредба го лишиле од слобода 19-годишниот А.А. од Скопје за издржување на казна во КПУ Затвор Охрид.
