Тетовската полиција и екипа од полициската станица за гранични работи Север, вчера при акциска контрола на угостителски објект на патот Тетово – Јажинце, откриле петмина странски државјани кои илегално работеле во локалот.
Како што информираат од полицијата, станува збор за четири девојки, на возраст од 20 до 38 години, кои работеле како танчерки, и за едно машко лице, сите албански државјани. Тие, заедно со сопственикот на локалот, Б.Е.(33), биле приведени и задржани во во полициската станица Тетово, а потоа биле предадени во отсекот за прекуграничен криминал, миграции, странци и за реадмисија за понатамошна постапка.
Синоќа, додаваат од полицијата, била извршена контрола и во угостителскиот објект „Мона Лиза“ во гостиварското село Форино, каде била затекната 35-годишна албанска државјанка, која била приведена и задржана за понатамошна постапка.