Четворица албански државјани од градот Кукс, ангажирани како овчари, кои непријавено и без потребната работна дозвола престојувале на подрачјето на Тетово, открила и привела полицијата по денешната контрола на три бачила сместени во подножјето на Титов Врв, Шар Планина, информираше портпаролот на СВР Тетово, Марјан Јосифовски.
Во акцијата, со претходно обезбедена судска наредба, биле исконтролирани две бачила сопственост на С.С.(58) од Селце и едно сопственост на Ф.Р.(56) од Камењане.
– Четворицата илегалци биле приведени и предадени за понатамошна обработка на Одделението за странци и реадмисија и по целосно расчистување на случајот против нив и против двајцата сопственици на бачилата ќе бидат поднесени соодветни пријави, изјави Јосифовски.