Вчера вечер во 12.40 часот на паркинг во центарот на Скопје полициски службеници од Единицата за внатрешни работи Центар и Бит Пазар ги лишија од слобода 34-годишниот Е.К. и 39-годишниот О.Р., поради основано сомнение за сторено кривично дело тешка кражба, извести МВР.
– При преглед кај нив се пронајдени повеќе предмети кои биле користени при извршување на кривичното дело, како и предмети за кои постои основано сомнение дека се поврзани со кривично дело. По целосно документирање на случајот, ќе биде поднесен соодветен поднесок, соопшти МВР.