Вчера попладне, во 16.00 часот во Гевгелија полициски службеници од Полициската станица Гевгелија ги лишиле од слобода 27-годишниот Ј.А., 24-годишниот Б.Р. и еден малолетник, сите од Струмица, извести МВР.
– Тие се сомничат дека во текот на истиот ден извршиле кривично дело „тешка кражба“, при што од пумпна станица сопственост на АД Водостопанство на РСМ-подружница Јужен Вардар Гевгелија одзеле повеќе предмети. Кај нив биле пронајдени одземените предмети. Лицата биле задржани во Полициската станица Гевгелија и за настанот бил запознаен Јавен обвинител од Основното јавно обвинителство Гевгелија, соопшти МВР.
По целосно документирање на случајот против нив ќе биде поднесена соодветна пријава.