Вчера вечер околу 20.00 часот, полициски службеници од ЕВР Аеродром и Драчево ги лишиле од слобода 25-годишниот М.А. од Скопје и 47-годишниот Н.Ќ. од село Страхојадица, скопско, извести МВР.
– Во возилото „фолксваген венто“, во кое се превезувале, биле пронајдени и одземени огревни дрва без документација. Претходно, на ул.„Сердарот“, откако ги забележале полициските службеници, двајцата го оставиле возилото и се обиделе да побегнат, но набргу биле фатени, соопшти МВР.
Тие биле приведени во полициска станица и по целосно документирање на случајот против нив ќе биде поднесена соодветна пријава.