Вчера полициски службеници од Полициската станица Центар и од Единицата за интервентна полиција при СВР Скопје ги лишиле од слобода 42-годишниот С.М. и 20-годишниот Е.М., двајцата од Скопје, извести МВР.
– Тие се сомничат дека претходно извршиле кривично дело „разбојништо“, при што од З.С.(19) од Скопје, одзеле пари. Притоа, кај С.М. биле пронајдени одземените пари и ќе бидат вратени на сопственикот, соопшти МВР.
Двете лица се задржани во полициска станица и во координација со Јавен обвинител, по целосно документирање на случајот против нив ќе биде поднесен соодветен поднесок.