Вчера попладне во 15.35 часот на улицата „Манапо“ во Скопје, полициски службеници од Пoлициската станица Карпош лишиле од слобода двајца малолетници од Скопје, извести МВР.
– Тие се сомничат дека во периодот од 08.00 до 15.00 часот со употреба на сила и алат влегле во подрумски простории од згради на ул.„Манапо“ и одзеле повеќе предмети од две лица. Одземените предмети биле пронајдени и вратени на сопствениците, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.