Синоќа од 22:20 часот до 01:00 часот по полноќ, полициски службеници од Тетово во координација со инспектори од Државниот пазарен инспекторат извршиле контрола во угостителски објект во село Горно Седларце, општина Боговиње, сопственост на 30-годишниот жител на село Боговиње, информира Министерството за внатрешни работи.
– При контролата, во објектот биле затекнати 35 лица – гости и 18 женски лица кои ги забавувале гостите (14 странски државјанки и четири македонски државјанки). За 11 странски државјанки (осум од Албанија, две од Косово и една од Украина) било констатирано дека го злоупотребиле туристичкиот престој. Тие биле приведени во полициска станица и по целосно документирање на случајот против нив ќе бидат поднесени соодветни поднесоци, соопштува МВР.
Во СВР Тетово бил извршен разговор со сопственикот и ќе следува соодветна пријава. Од ДПИ, исто така, ќе бидат преземени мерки по член 206 од Кривичниот законик.