Денеска во 12.05 часот на улицата „Иљо Војвода“ во Скопје, полициски службеници од Оперативен тим потраги при СВР Скопје и инспектори по потраги од ЕВР – Ѓорче Петров и ЕВР- Кисела Вода го лишиле од слобода 59-годишниот С.С. од село Грчец, Општина Сарај, извести МВР.
– За него била распишана централна потерница по наредба на Основен кривичен суд Скопје за издржување затворска казна за сторено кривично дело по член 223 од Кривичниот законик. Лицето ќе биде спроведено во казнено – поправна установа за издржување на казната, соопшти МВР.