Министерството за внатрешни работи, од страна на Интерпол Белград било информирано дека на 05.11.2015 година, на административниот премин Брњак, е приведен Б.Б.(41) кој се барал по меѓународна потерница.
Како што соопшти денеска МВР, лицето Б.Б. се барало по меѓународна потерница издадена од Основното Јавно Обвинителство за гонење на организиран криминал и корупција Скопје, поради постоење основи на сомнение за сторени кривични дела по член 394, 394а и 394б од Кривичен Законик на Р.Македонија.