Вчера вечер во 21.00 часот на автопатот Скопје-Гевгелија, на наплатна станица Смоквица, полициски службеници од Полициската станица за граничен премин „Богородица“ го лишиле од слобода 49-годишниот М.Ш. од Скопје, известува МВР.
– При преглед во возилото „фолксваген пасат“ со скопски регистарски ознаки, кое го управувал, биле пронајдени пет лица мигранти (две од Индија и три од Куба), соопшти МВР.
За настанот бил известен Јавен обвинител. М.Ш. бил приведен во ОВР Гевгелија и по целосно документирање на случајот против него ќе биде поднесена соодветна пријава.