Вчера, во 11.30 часот, полициски службеници од ОВР Струга го привеле 36-годишниот Ф.Р. од скопско Шуто Оризари, информира МВР.
– Приведувањето е извршено врз основа на претходно распишана потерница поради бегство од Казнено-поправната установа Затвор Скопје каде бил на издржување казна затвор во траење од 2 години и 10 месеци. Притоа, кај него биле пронајдени и одземени две пакувања хероин и по документирање на случајот ќе му биде поднесен соодветен поднесок, соопшти МВР.
Тој бил предаден во Казнено-поправната установа Затвор Скопје за издржување на казната.