Денеска во 10.30 часот на улицата „Симеон Кавракиров“ во Скопје, полициски службеници од Оперативен тим потраги при СВР Скопје и од Одделението за криминалистички работи Ѓорче Петров го лишија од слобода 39-годишниот Х.С. од Скопје, извести МВР.
– Тој бил баран по централна потерница врз основа на наредба на Основен кривичен суд Скопје за издржување казна затвор од три години за сторено кривично дело „неовластено производство и пуштање во промет на наркотични дроги, психотропни супстанци и прекурсори“ по член 215 од Кривичниот законик, соопшти МВР.
Лицето ќе биде спроведено во надлежната казнено-поправна установа за издржување на казната.