Вчера, полициски службеници од СВР Велес го лишиле од слобода 42-годишниот С.Д. од Велес, известува МВР.
Тој се сомничи дека ноќта помеѓу 09 и 10.05.2022 извршил четири кривични дела „тешка кражба“ во три продажни објекти и детска градинка на подрачјето на Велес, соопшти МВР.
Лицето е задржано во Полициската станица во Велес, а дел од предметите се пронајдени и вратени на сопствениците. По целосно документирање на случајот против него ќе биде поднесена соодветна пријава.