Вчера попладне околу 12.30 часот на улица „Петре Георгиев“ во Скопје, полициски службеници го лишиле од слобода 22-годишниот И.Б. од Скопје, извести МВР.
– Тој се сомничи дека непосредно пред тоа на паркинг во кругот на универзитет „Св.Кирил и Методиј“ на бул.„Гоце Делчев“ од патничко возило „рено“ со скопски регистарски ознаки, сопственост на А.Т.(19) од Скопје, одзел ранец со лични предмети, соопшти МВР.
Лицето било задржано во полициска станица и во службен разговор го признал делото. Одземеното било пронајдено и вратено на сопственикот. По целосно документирање на случајот, во координација со јавен обвинител, против него ќе биде поднесена соодветна пријава.