Вчера, во 06.40 часот на улицата „11-ти Октомври“ во Скопје, полициски службеници од СВР Скопје го лишиле од слобода 37-годишниот Т.А. од Скопје, информира МВР.
– Тој се сомничи дека во текот на ноќта на паркинг простор пред Градската општа болница „Св.Наум Охридски“ со употреба на сила и подесен алат одзел предмети од патничко возило „сеат кордоба“ со скопски регистарски ознаки, сопственост на Р.Ш.(59) од с.Трубарево, скопско, соопшти МВР.
Одземените предмети биле пронајдени и вратени на сопственикот, а лицето било приведено во полициска станица. По целосно документирање на случајот, против него ќе биде поднесена соодветна пријава.