Денеска во 08.10 часот на улицата „Јадранска магистрала” во Скопје, полициски службеници од Оперативен тим потраги при СВР Скопје го лишиле од слобода 35-годишниот Т.И.Д. од Скопје, извести МВР.
– Тој бил баран по централна потерница од Казнено-поправната установа Затвор Идризово, за доиздржување казна затвор од четири години и осум месеци, а осуден со повеќе пресуди на единствена казна затвор од 10 години и пет месеци за сторени кривични дела по член 236 од Кривичниот законик, соопшти МВР.
Лицето ќе биде предадено во казнено-поправната установа за доиздржување на казната.