Денеска во 11.00 часот часот во село Студеничани, скопско, полициски службеници од Оперативен тим потраги при СВР Скопје го лишиле од слобода 49-годишниот Н.Д. од Скопје, извести МВР.
Тој бил баран по централна потерница од Основен кривичен суд Скопје за издржување казна затвор од три години за сторено кривично дело „тешка кражба“ по член 236 од Кривичниот законик, соопшти МВР.
Лицето ќе биде спроведено во казнено-поправна установа за издржување на казната.