Вчера од страна на полициски службеници Одделението за криминалистички работи Кисела Вода е расчистено кривично дело „кражба“ извршено на 12/13.04.2022 во Сопиште, скопско, при што е пронајден сторителот на делото, Т.Т.(40) од Куманово, со кого е извршен службен разговор во кој тој во целост го призна извршувањето на кражбата, информира МВР.
– Имено, Т.Т. во периодот од 12/13.04.2022 од 33-годишен жител на Сопиште одзел поголем број алати и материјали и ги натоварил во своето товарно возило со кумановски регистарски ознаки. Полициски службеници од СВР Куманово извршиле претрес кај Т.Т. во Куманово, при што биле пронајдени предмети поврзани со кривичното дело, кои се одземени и вратени на сопственикот, соопшти МВР.
По документирање на случајот против Т.Т. ќе биде поднесена кривична пријава по чл.235 од Кривичниот законик.