Полициски службеници Секторот за меѓународна полициска соработка – Отсек потраги денеска во 11:15 часот на ул.„Шуматоска“ во Гостивар, го лишиле од слобода М.А.(58) од Гостивар, затоа што се барал по распишана централна потерница од МВР, а по Наредба на Казнено-поправната установа Затвор Идризово, поради бегство од затвор.
МВР соопшти дека гостиварецот бил осуден на четири години казна затвор по член 215 од Кривичниот законик и се бара за доиздржување на казната.
– М.А. бил предаден во Полициската станица Гостивар за понатамошна постапка, по што ќе биде спроведен во Казнено-поправната установа, се наведува во соопштението од МВР.