Полицијата вчера приведе 36-годишен дилер од Куманово. При претрес во неговиот дом биле пронајдени и одземени таблети, марихуана, семки од канабис, како и предмети кои ги набавил за подготовка на мини лабораторија за производство на марихуана – импровизирана направа наменета за производство и одгледување на растенија, вентилатори, рефлектори и друга опрема.
– На 22 септември 2021 во 16:10 часот, полициски службеници од Одделот за Крим-полиција – Отсек за недозволена трговија со дрога и оружје при СВР Куманово го лишиле од слобода С.А. (36) од Куманово. По целосно документирање на случајот против него ќе биде поднесена соодветна пријава, наведуваат од МВР.