Полициски службеници од криминалистичката полиција при СВР Битола, вчера во 18.30 часот, го лишиле од слобода 39-годишниот А.М. од Битола.
Како што информираат од МВР, тој се сомничи дека во периодот од 27 февруари до 2 март одзел повеќе предмети од рудникот Суводол на РЕК Битола.
А.М. бил задржан во полициска станица и со него бил извршен службен разговор, при што го признал делото. Одземените предмети биле пронајдени и вратени на сопственикот, а по целосно документирање на случајот, против него ќе биде поднесена соодветна пријава.