Приведен 42-годишен жител од велешкото село Бузалково под сомнение дека подметнал пожар во казино

Од:

Приведен е 42-годишен жител од велешкото село Бузалково кој се сомничи дека попладнево подметнал пожар во казино во Велес.

– Вечерва во 18 часот во Велес, полициски службеници од СВР Велес, го лишиле од слобода 42-годишниот Д.М. од село Бузлакво, велешко, поради сомнение дека со запалива течност предизвикал пожар во казино во Велес, изјави портпаролката на СВР Велес, Билјана Ѓаковска.

Тој бил приведен во полициска станица и известен е јавен обвинител, а по целосно расчистување и документирање на случајот, ќе следува соодветна пријава.

Пожарот се случил вечерва околу 18 часот во казино во зграда во новиот дел на Велес. Во тоа време во казиното имало вработени и повеќе играчи. Поради густиот чад зградата ја напуштиле сите станари.

Од Центарот за управување со кризи информираат дека десетина пожарникари од Територијалната противпожарна единица Велес со две противпожарни возила интервенирале во гасењето на пожарот.

Би можело да ве интересира

Петгодишно дете од Велес е повредено во сообраќајка, итно е пренесено на скопските Клиники

Тројца повредени во сообраќајка во близина на Велес

Планинарот Пецевски по кој се трагаше е пронајден мртов

Вардар во Велес излеан на кејот, во градскиот парк поплавени дрвјата покрај брегот

Предраг Петровиќ

Велешанец е најден мртов во неговиот двор со траги од крв по главата

Жена со автомобил удри во малолетник и избега