Истражен судија од Основниот суд од Велес му одреди 30 дена притвот на 32 – годишен велешанец за кого постои основано сомнение дека незаконски поседувал дрога и нападнал полицаец.
Обвинителството тврди дека на 17 ноември осомничениот нападнал полицаец од СВР Велес кој се обидел да го претресе.
„Кога полицаецот со уште двајца колеги се доближил, осомничениот почнал да бега. Штом полицајците го стигнале, тој два пати со тупаници го удрил оштетениот полициски службеник во пределот на градите, а со нога го удрил во ногата и го повредил. Осомничениот бил совладан и кај него биле пронајдени 55,44 грама марихуана и 0,48 грама кокаин“, тврди ОЈО.