Основниот суд Скопје 1 денеска определи притвор во траење од осум дена за уште едно лице поврзано со настаните во Собранието на Република Македонија од 27 април годинава.
– Во основниот суд Скопје 1 – Скопје попладнево е спроведено уште едно лице кое е дел од предлогот на Основното јавно обвинителство – Скопје против 15. лица поврзани со инцидентот во Собранието на Република Македонија за кои судот по ценење на предлогот го прифати предлогот на обвинителството и му определи притвор во траење од осум дена, информираат вечерва од Основниот суд Скопје 1.