Основното јавно обвинителство Гостивар започна постапка против едно лице, осомничено дека со измама на гостиварци им ветувало документи за работа во Германија.
На осомниченото лице за кривично дело „Измама“ од член 247 од Кривичниот законик, Основниот суд во Гостивар му определи притвор во траење од осум дена.
Обвинителството соопшти дека осомничениот, во текот на овој месец, со намера да прибави противправна имотна корист, довел во заблуда едно оштетено лице, ветувајќи му дека за повеќе лица од Гостивар ќе му обезбеди документи од Министерството за труд и социјална политика со кои тие би можеле да добијат работни дозволи и легално да работат во градежна фирма во Германија. За услугата осомничениот од оштетениот наплатил сума од 7.700 евра, за што потпишал и изјава со обврските кои ќе ги исполни и со определен рок за реализација на договореното.