16 маратонци, учесници во традиционалниот петти ултрамаратон во чест на Тоше Проески, денеска околу 18 часот, пристигнаа на плоштадот „Македонија“.
Маратонците, што трчаат од Нова Градишка во Хрватска, до родниот град на Тоше, Крушево, во Скопје ги пречека градоначалникот на Град Скопје, Коце Трајановски и дел од членовите на Фан клубот на Тоше Проески.
Оттаму, маратонците се упатија кон детската улица „Тоше Проески“ во населбата Ново Лисиче.