Претседателот Ѓорге Иванов денеска по повод 20-годишнината од одбележувањето на Денот на безбедноста и на македонската полиција – 7 Мај постхумно ќе им додели медал за храброст на 32 припадници на безбедносните сили на Министерството за внатрешни работи, кои својот живот го положија служејќи и на државата.
Медалите за храброст ќе им бидат доделени за покажаната храброст и самопрегор во одбрана на територијалниот интегритет и суверенитет на Република Македонија.
По свечената церемонија на постхумното доделување на медалите за храброст, претседателот Иванов заедно со неговата сопруга Маја Иванова ќе приредат прием за семејствата на загинатите припадници на Министерството за внатрешни работи.