Приоритети на Стратегијата за Роми 2022–2030 се долгорочното унапредување на социјалната кохезија и економскиот статус на Ромите

Од:

На денешната прес-конференција на портпаролите во име на ромската заедница се обрати Елвис Мемети, советник на премиерот за инклузија на Ромите кој се осврна на суштинските политики за унапредување на Ромската заедница, истакнувајќи дека Ромите во Република Северна Македонија имаат потенцијал да го предводат прашањето на сопствената интеграција и да бидат пример за останатите во регионот.

dobivaj vesti na viber

Тој истакна дека Република Северна Македонија со Стратегијата за инклузија на Ромите 2022–2030 година прашањата за вклучување на граѓаните од оваа заедница во структурите на општеството се дел од јавните политики на Владата за изедначување на степенот на вклученост и интеграција на сите етнички заедници.

Инвестирањето во развојот на ромската заедница, како што посочи советникот за инклузија на Ромите Мемети, има долгорочни придобивки во поглед на подобрувањето на социјалната кохезија и економскиот статус на Ромите. Инклузијата на Ромите во општеството учествува позитивно и во постигнувањето на одржливите развојни цели на ООН, како и на позитивните оценки во делот на поглавјето 23 кое се однесува на унапредување на полето правосудство и човекови права на сите граѓани во земјата без разлика на која етничка заедница ѝ припаѓаат.

Советникот Мемети информираше дека за поддршка на имплементацијата на Стратегијата за Роми за 2022 година се издвоени 73.372,000 денари, што е зголемување за 14.128,000 ден во споредба со буџетот за 2021 година.

Приоритетите за тековната година се ставени на зголемување на економскиот потенцијал на ромската заедница, како и зголемување на застапеноста на Ромите во институциите.

Исто така, како што подвлече Мемети, по прашање на домувањето актуелни се неколку започнати проекти во Општина Шуто Оризари и Виница, Oпштина Кичево, Битола, Прилеп, Штип со кои се работи на реновирање на куќи од социјално ранливи категории, градба на типски куќи, како и изградба на колективно домување.

Би можело да ве интересира

Владата ќе им даде субвенционирана струја и на компаниите кои имаат свои фотоволтаици

Орце Костов

Владата побара да му се одземе државјанството на Александр Онишченко

Катерина Павлова-Николовска

(ВИДЕО) Арсовска до Премиерот: Гледај си ги твоите проекти, кој ќе ти ги одземе тебе ингеренциите?!

Анита Петровска Рајковиќ

„Вторник само за Роми“ – Базен во Шуто Оризари со натпис дискриминирал врз основа на етничка припадност и боја на кожа

Орце Костов

Андонов: Фирмите кои со манипулации влегле на регулираниот пазар, од јануари автоматски ќе бидат вратени на слободниот пазар

Ана Ололовска

Опозицијата блокира, Владата се задолжува: Ковачевски најави нови 400 милиони евра кредити

Орце Костов