Денеска и официјално му беше врачено уверението на новиот градоначалник на Општина Могила,Стево Пивковски, со што тој го започна својот мандат.
Тој уште еднаш истакна дека како независен кандидат, како за време на кампањата така и во целиот негов мандат сака да биде градоначалник на сите жители на општината и очекува дека ќе има добра соработка со Советот.
„И покрај притисоците за време на кампањата, демократијата е победник во Могила“, нагласи Пивковски при примањето на мандатот.
За време на примопредавањето досегашниот градоначалник Славко Велевски ја понуди својата помош и за наредниот период за побрзо и поуспешно завршување на проектите што беа започнати во неговиот мандат.
Пивковски не ја криткуваше работата на досегашниот градоначалник ,но, сепак, истакна дека ќе се заложи за многу повеќе поволности за локалното население, особено за земјоделците, и за подобрување на инфраструктурата во општина Могила.