Во Секретаријатот за европски прашања денеска беше извршено примопредавање на должноста заменик претседател на Владата за европски прашања каде новоназначениот вицепремиер Бујар Османи официјално ја презема должноста од неговиот претходник Арбер Адеми.
Адеми, информираат од СЕП, на примопредавањето го информираше Османи за делокругот на работа како и за проектите и активностите на Секретаријатот, и истовремено му посака успех во продолжувањето на патот кон европските интеграции на земјата.
Османи ја истакна важноста на реализирањето на стратешките цели во оваа област и особено постигнувањето на понатамошни успеси за зближување на земјата кон европското семејство.