На денешната седница на Советот на општина Кичево која воедно беше и последна во овој состав едногласно беше прифатена предлог одлуката за усогласување на правилникот за плата на вработените во општината со новите законски одредби за минимална плата.
– Советот треба да ја прифати одлуката за да се запази процедурата. Со тоа и нашата администација ќе прими плата според новиот закон за минимална плата, па така на оние кои досега земаа плата под минималната практично ќе им се зголеми, рече Анета Настеска, претставник на општинскиот оддел за човечки ресурси.
На седницата беа усвоени и неколку предлог одлуки од областа на урбанизмот.