Откопаните коски од ископот за изградбата на станбена зграда во Гостивар според експерт за обдукција се човечки од најмалку двајца луѓе, според негова проценка стари најмалку половина век.
Случајот во гостиварската полициска станица вчера го пријавил Љ.А. (43), сопственик на фирмата инвеститор на објект во градба на улицата „Илинденска“.
Околу 18 часот, додека градежна машина (багер) изведувала подготвителни работи, ископувала земја за темели на зграда, на длабочина од околу два метри, се појавиле коски. Кога видел, машинистот Х.И. (55) запрел со работа.
Според жителите во околните куќи, на местото каде што се откриени коските немало гробишта, ниту пак таков случај бил забележан во минатото.
