Општина Гевгелија денеска го презентираше архитектонско-урбанистичкиот план со парцели наменети за изградба на објекти за домување во станбени куќи во пограничното село Богородица.
Урбанистичкиот проект е поставен во одделението за урбанизам на општина Гевгелија каде што ќе остане изложен на увид на јавноста во времето од 8 до 16 часот до 26 март до кога се спроведува и јавната анкета.
Во споменатиот рок, заинтересираните физички и правни лица од конкретното подрачје опфатено со проектот, на анкетни листови можат да доставуваат писмени забелешки, предлози и мислења.Анкетните листови се добиваат и доставуваат во одделението за урбанизам на општина Гевгелија или преку информативниот систем е-урбанизам.