Во просториите на Фондација „Никола Кљусев“ денеска ќе бидат презентирани резултатите од двонеделната обука „Примена на информатичката технологија во автомобилската индустрија“, која е дел од Еразмус проектот „Дигитални компетенции и знаење“, кој е финансиран од Европската комисија и Националната агенција за европски образовни програми и мобилност.
Ученици од приватното средно училиште САБА од Скопје, Битола и Штип, од 17 до 31 јануари беа на пракса во автомобилски компании во Лајпциг, Германија каде имаа можност да ја видат примената на информатиката во автомобилската индустрија.
На денешната презентација учениците од САБА – Скопје ќе го претстават искуството кое го стекнале на праксата во германските компании.
Присутните на презентацијата ќе се запознаат и со можностите кои ги нуди Еразмус + програмата за стекнување на европско искуство и пракса.
