Не прашуваат често на митинзите од каде е црвената, па сакам и во Битола да одговорам, црвената е љубовта која ја чуствуваме кон нашата Македонија, црвена е нашата сила за промени во Македонија, црвена е победата и црвената ќе го врати животот во Македонија, рече Радмила Шекеринска, заменик претседателка на СДСМ и носителка на кандидатска листа во ИЕ 5.
Илјада и триста, велат, дека секоја година во Македонија умираат од загадување, и владата вели дека за тоа нема пари. Има пари за рајски острови, има пари за Мерцедеси од 600 илјади евра, ама пари за животот и за здрајвето нема. Е тоа, почитувани битолчани, сакаме да го исправиме.
Јас сакам заедно со моите колеги, заедно со сите вас, пред Битола да превземеме обврска, да ја обезбедиме РЕК Битола да продолжи да произведува подобро и повеќе, да продолжи да ја храни Македонија со енергија, да создава повеќе и подобри работни места ама и да престане да го труе народот кој живее околу неа. Таа обврска ја превземаме и тоа ќе го сработиме.
Гласајте за враќање на правдата, за казна на криминалците и за живот на оние кои се тука и на оние кои допрва ќе се вратат. Да живее Битола, да живее Македонија.