Во Неготино ноќеска од 23 часот до 5 часот наутро ќе се изврши превентивна дезинсекција на критични точки на јавни површини, со машинско распрскување на препаратот аквакотрин од стручни лица од Центарот за јавно здравје во Велес.
Општината информираше дека со прскањето ќе бидат опфатени локациите од кејот на Тимјаничка Река, Брестин дол, Маренски порој, потегот од Криволак до железничка станица, Рајков дол во Тимјаник, Тремнички дол, Војшанска Река и централното подрачје во Долни Дисан.
Поради запрашување против комарци, граѓаните и здруженијата кои одгледуваат пчели и други видови животни се известуваат да ги преземат сите неопходни мерки за заштита.
Прскањето е утврдено во годишната програма за спроведување општи мерки за заштита на населението од заразни болести и оперативниот план за дезинфекција, дезинсекција и дератизација за општината за 2014 година.