ЈЗУ Центар за јавно здравје-Битола денес на подрачјето на општина Новаци ја реализира првата фаза од превентивната систематска дератизација која се врши со поставувањена отровни мамци за уништување на глодари-глувци.
Станува збор за противепидемиска мерка со која ќе бидат опфатени подземниот канализациски систем во селото Новаци каде има 90 шахти, како и прифатниот канализациски систем со 25 шахти, во непосредна близина на инфестирани објекти од посебен јавен интерес.
Од ЈЗУ Центар за јавно здравје-Битола информираат дека дератизација ќе биде извршена и на јавната депонија „Мегленци“ со фронтално поставување на родентицидни мамци во неколку зони.
Екипите на ЈЗУ Центар за јавно здравје-Битола се обележани и заштитени со знаци за предупредување.