Државната изборна комисија (ДИК) во соработка со Националниот демократски институт (НДИ) денеска ќе ги посети општинските изборни комисии во Дебар, Охрид и Ново Село каде ќе оствари средби со кандидатите за градоначалници на овие општини или со нивните овластени претставници.
Според најавите, претпладне претседателот на ДИК Оливер Дерковски заедно со потпретседателката Дитмире Шеху и членот на ДИК Енвер Салихи, како и со директорот на НДИ Крис Хеншоу ќе ја посетат општинската изборна комисија во Дебар каде ќе се сретнат со овластените претставници на кандидатите за градоначалник, а попладне ќе ја посетат општинската изборна комисија во Охрид каде ќе се сретнат со кандидатите за градоначалник.
Членовите на ДИК Елизабета Постоловска и Јанаќе Витановски и генералниот секретар на ДИК Добре Јанчев, заедно со претставник од НДИ денеска претпладне ќе ја посетат ОИК Ново Село и ќе остварат средба со кандидатите за градоначалник.