А1 од извори од ДУИ и од извори од Управниот суд дознава дека, претседателот на Управниот суд Исамеди Лимани си поднел оставка, веднаш откако Управниот суд му ја одзема победата на Жерновски за Општина Центар и за Општина Струга.
А1он дознава дека денеска и вчера во Управниот суд било тензично, а Лимани не се согласувал со непрофесионалното работење на дел од судиите. Од 34 тужби на ВМРО-ДПМНЕ за Општина Центар, Управниот суд прифати 32, а одби само 2 тужби.
За Струга од 8 поднесени прифатени се 7 тужби. Со двата приговора од ДИК, во недела во Струга ќе се прегласува на 9 избирачки места.
ДИК ги отфрли сите приговори на ВМРО-ДПМНЕ за Општина Центар бидејќи не најдоа никакви неправилности во избирачкиот процес, и затоа одлуката на Управниот суд кој што е конституиран и пополнет во времето на ВМРО-ДПМНЕ се смета дека е чисто политичка.