Полициски службеници лишија од слобода лице од селото Старо Балдовци, Општина Босилово, откако кај него биле пронајдени и одземени марихуана, стебла од растението канабис и други предмети, информираа од Министерството за внатрешни работи.
– Денеска околу 07:00 часот, полициски службеници од СВР Струмица го лишиле од слобода Б.А.(21) од Штип, со живеалиште во село Старо Балдовци, Општина Босилово. При претрес во неговото живеалиште, извршено со судска наредба, во дворот и внатре во куќата биле пронајдени и одземени марихуана, стебла од растението канабис и други предмети, посочуваат од МВР.
Известен е Јавен обвинител и по целосно документирање и расчистување на случајот против Б.А. ќе биде поднесена соодветна пријава.