Од денеска следува период во кој во претпладневните часови ќе преовладува сончево време, а во попладневните на повеќе места ќе биде нестабилно со пороен дожд и грмежи, а поинтензивни процеси се очекуваат за време на викендот, велат од Управата за хидрометеоролошки работи (УХМР).
Минималната температура во следните три дена ќе биде од 12 до 22 степена, а максималната од 27 до 36 степени. УВ-индексот ќе изнесува 8, односно 7.
Времето денеска ќе биде сончево со мала до умерена облачност и со слаб до умерен северен ветер. Попладне ќе има појава на изолирана нестабилност со краткотраен пороен дожд и грмежи. УВ-индексот ќе изнесува 8, прогнозираат метеоролозите.