Гостиварчанец заработи кривична пријава поради „спречување службено лице во вршење службено дејствие“ и „напад врз службено лице при вршење работи на безбедноста“.
43-годишниот С.З. од Гостивар во јули годинава насилно влегол во канцеларијата на раководителот на Одделението за управни работи и почнал вербална расправија.
Расправијата настанала бидејќи не му било дозволено да аплицира за патна исправа за неговото дете без присуство на неговата сопруга.
Гостиварчанецот физички го нападнал раководителот удирајќи го со тупаници по главата и телото при што му нанел тешки повреди.
