Целата вчерашна потера за наводното киднапирање на дете од скопската населба Чаир било детска измислица за да се спаси од неволја.
Според информациите 12-годишникот наводно бил киднапиран од двајца маскирани кои со кршење на вратата влегле во стан на бизнисмен во скопски Чаир.
Во домот останал помалиот брат.
Но, всушност, детето тајно земало 120 евра од дома, а за да се спаси од неволја за украдените пари, ја измислува приказната со киднапирањето, а го убедувал и помалиот брат во тоа, па заминал кај вујко му.
Но, кога слушнал дека веста се рашири по медиумите и дека е вклученаи полиција и го бара, самиот се вратил дома. Целата сторија за лажењето ја раскажал пред психолог во МВР, објави Република.