Снегот што од попладнето интензивно паѓа предизвика пренасочување или откажување на неколку авиолетови на аеродромот „Александар Велики“ во Скопје.
Според информациите објавени на веб страницата на аеродромот, авионите од Цирих, Истанбул, Брисел и Базел што требаше да слетаат во Скопје, се пренасочени во Приштина.
Откажани се летовите од Скопје за Дубаи, Цирих, Истанбул и Лондон.
Полетувањата и слетувањата планирани за вечерва, како што што стои на вебот на Скопскиот аеродром, продолжуваат според предвиениот распоред, засега без најави за пренасочувања или откажувања.